大銀行裁員潮警示｜中小企融資難度激增？專家拆解2025貸款市場趨勢

銀行裁員潮背後的經濟警號

繼匯豐早前裁員，恒生亦有裁員計劃。(即睇📲：https://shorturl.at/gbXwS )

銀行向來係經濟火車頭，絕對係反映實體經濟嘅標杆。

高息環境反噬銀行利潤

高息環境下，銀行收嘅貸款利息貴咗，我哋就以為銀行就會賺多咗？事實係相反。

銀行因為息差收窄，賺錢比以往更難。而銀行呢幾年面對資金成本大幅上升，貸款利潤下跌；利息貴，企業融資成本高咗就自然減少借貸，變相客戶少咗。實體經濟唔好，資產價格下跌，企業以往抵押嘅物業變咗負資產，公司資不抵債，壞賬亦都會大幅上升，賺嘅利息少咗之餘，有時仲收唔返個本，銀行自然賺少咗錢。

早前恒生公佈業績時，整體壞賬率達到6.12%，屬於高水平 (即睇📲：https://shorturl.at/dV4GG )，證明商業貸款業務風險非常高。(過去幾年低息環境下，銀行壞賬通常控制喺0.5%-2%內) 盤數唔好睇，有裁員行動絕對唔意外。

中小企融資困境加劇

當然壞賬可能只係裁員其中一個因素，但對於中小企融資層面嘅啟示，就係當銀行壞賬節節上升，要控制壞賬就只能更嚴格去審核貸款申請，亦代表中小企貸款申請難度將會大幅上升。

我哋2024年4月都講過政府擔保壞賬率嘅問題，節錄： 「九成擔保計劃由2019年實施至2022年3間年累計壞帳0.74%，但喺2023年卻大升至1.76%，一年內嘅增幅超過三年累積總數。」(立即重溫📲：https://www.mccorp.com.hk/post/2024-%E4%B8%AD%E5%B0%8F%E4%BC%81%E4%B9%9D%E6%88%90%E6%93%94%E4%BF%9D%E5%A3%9E%E8%B3%AC%E7%8E%87%E6%96%B0%E9%AB%98 )

九成擔保計劃屬於商業貸款中最入門嘅方案，去到今年2月份，唔夠一年嘅時間，九成擔保嘅壞賬率已經由1.76%飆升到3.8%，銀行面對緊嘅壞賬問題好嚴重。

對面高壞賬率，銀行可以點拆解？其實最簡單嘅辦法就係，少做少錯，唔做唔錯。斬腳趾避沙蟲真係一個辦法嚟。

每逢有銀行有大量壞賬，銀行就幾乎會「摺埋」成個商業貸款部門，講緊嘅未必係炒人，而係將業務重心轉移去其他產品，既然貸款生意難做，銀行就做其他生意，例如存款、保險、投資等。即係做開商業貸款嘅經理，要去跑其他產品嘅數，當客戶向呢間銀行申請貸款，自然會摸門釘。如果你係現有客戶，佢哋都可能仲會幫你，但如果唔係現有客戶，就真係自求多福。

HKMC香港按證網站上面寫住，有接近30間銀行符合八/九成擔保計劃資格，但其實唔係間間銀行都有積極做貸款，可以申請唔代表佢哋會批貸款，所以點解MC Advisors「只係」同13間銀行合作，實情係我哋幫你精選咗肯批貸款嘅銀行，即使我哋再同多幾間銀行合作，都未必對客戶有太大幫助。

其實唔止裁員嘅銀行，喺早幾個月前，已有幾間銀行大幅提高商業貸款批核門檻，佢哋寧願唔接受申請，都好過借完出去而客戶還唔到錢，令銀行輸錢，負責嘅銀行經理隨時連份工都會保唔住。加上政府審查比以往嚴格，原因大家都會明，所以今年做商業貸款，相信又會比上年更加難。

呢個時代大家都只能諗辦法自救，自救總好過等人救，等人救隨時會失救，連銀行都要裁員救自己，何況中小企呢？

點都好，各行各業做生意都係環環相扣，你好我好，大家都係搭同一條船，真心希望香港個格局有好嘅轉變，Anyway，嚟緊有實用嘅數據同市場消息會再同大家分享。

註：

🙇🏻‍♂️ 以上資訊謹屬個人意見，如有缺失，敬請多多包涵。