施政報告2025中小企貸款措施｜八成擔保延長｜還息不還本安排｜九成擔保安排？

2025施政報告中小企支援措施概要

過去幾年政府都有不同措施幫助中小企渡過難關，今年亦不例外，不過今次一句就可以總結完。

📰『「中小企融資擔保計劃」下八成擔保產品申請期會延長兩年，並將「還息不還本」安排再度延長一年。』

咦？咁短嘅？

你無睇錯，今次施政報告對於中小企貸款著墨就係只係咁多。好處係，還息不還本再度延長多一年，

呢個還款安排對紓緩中小企還款壓力非常有幫助，亦即係話由現時起，至2026年9月期間，中小企隨時都可以申請還息不還本。

八成擔保計劃申請期延長

另外，八成擔保申請期會延長到2028年，所以中小企可以隨時同銀行申請貸款(亦可以搵我哋幫手🤝)，貸款上限依然係1800萬。

九成擔保計劃或暫緩

不過今次就無提及九成擔保，而今朝我哋收到消息，有銀行將會暫停九成擔保，實際上係咪全面暫停，就留待政府再公佈，或者喺明年3月財政預算案再留意有冇消息。

咁對中小企有好大影響？我哋可以簡單睇睇。

八成擔保

即係政府(透過HKMC)去幫中小企做擔保人向銀行借貸，政府承擔80%風險，而銀行只需要承擔20%。

九成擔保

係政府承擔90%風險，銀行承擔10%。

所以其實並唔難理解政府點解不再續行九成擔保。

其實兩者對中小企嚟講，最主要分別係喺個「利息上限」同「擔保費」度，八成擔保嘅利息上限係實際年利率10%，而九成擔保就係8% (不過有D銀行會「抵諗D」，會收平D)。

至於擔保費，由於八成擔保對於政府風險高D，所以擔保費都會貴少少。簡而言之，對中小企嚟講，整體貸款成本有機會上升。

除此之外，有冇其他分別？

其實係有㗎，亦都鮮為人知 (甚至乎連銀行經理都未必清楚知道)。答案就係審批難度。

一般嚟講，中小企貸款會先由銀行審批，成功後再交由政府審批。銀行同政府雙方都會好仔細審查貸款批得合唔合理，正唔正確，而由我哋經驗所得，由於八成擔保風險對銀行高咗，銀行審批更加嚴謹，而政府審批亦都更嚴格，問嘅問題更加仔細同刁鑽。

所以，各位中小企老闆如果有貸款需要，的確值得喺2026年3月九成擔保完結前，好好考慮有冇需要「拎埋佢」喇。

註：
🙇🏻‍♂️ 以上資訊謹屬個人意見，如有缺失，敬請多多包涵。

照片來源：HK01