點解成日有銀行職員畀人拉？銀行職員貪污案揭按揭中介詐騙，香港中小企如何避免風險？
- MC Advisors 中小企融資專家
- Mar 22
- 2 min read
銀行職員貪污案揭中介詐騙
📲新聞節錄：「廉署搗破懷疑銀行職員貪污案，揭發多間銀行的按揭部職員涉嫌受賄，協助按揭中介公司詐騙銀行的樓宇按揭轉介費，行動中拘捕22人，包括來自10間銀行的18名職員，其中1人被捕時已離職，另外4人為涉案人士配偶或同黨，他們涉嫌受賄共逾200萬元，涉及的樓宇按揭貸款申請超過200宗；被捕人士獲准保釋候查，廉署表示，相關貪污調查仍在進行，不排除再採取執法行動。」
中介合作需謹慎
相信大家時不時都會睇到呢類新聞，而我哋間唔中亦都會分享，提醒客戶要小心選擇合作嘅中介公司。
其實銀行界不時都有呢類傳聞，尤其銀行前線人員係獲銀行授權接觸客戶，當中涉及大量利益同金錢，而銀行職員都係一個普通人，一旦出現圖利嘅機會就可能會行歪路。
按揭轉介服務的潛在風險
今次呢單就係涉及按揭轉介服務，客戶委託中介將物業轉按到其他銀行嘅時候，通常會有現金回贈優惠，
而回贈多少就係根據按揭銀碼而定，呢筆優惠會經中介將其中大部份回贈俾客戶，中介就合法賺少部份回贈，亦係好多大型按揭轉介公司慣常做法。
不過銀行界經常都會有人貪圖利益鋌而走險，對佢哋嚟講做一單可能等於成個月人工，所以好易受到誘惑。
銀行職員的常見違規行為
「矇」個客簽嘢、監守自盜、利益輸送、甚至冒簽都時有發生，例如早排亦都發生過盜用客戶資產嘅事件。
除咗按揭轉介，銀行開公司戶口以及貸款更加係重災區，例如公司戶口就係洗黑錢嘅必須品，假如有銀行職員願意收檯底錢幫人開戶口，相信佢就會收到源源不絕嘅Referral，做都做到手軟。
中小企與銀行打交道的挑戰
其實中小企好多時都需要同銀行打交道，有銀行幫手做商業貸款或者按揭都對做生意幫助可以好大，中小企多年來因為唔熟悉點同銀行溝通而衍生中介行業，中介公司亦因為無監管而參差不齊。
好似呢單新聞咁，中介公司背後點樣同銀行職員有利益輸送客戶其實好難知道，所以都建議中小企客戶搵人幫手嘅時候要「聽其言，觀其行」，小心選擇合作嘅公司，如果遇到覺得有唔對路嘅地方就要三思。
註：
🙇🏻♂️ 以上資訊謹屬個人意見，如有缺失，敬請多多包涵。
