【香港中小企貸款】銀行批核公司貸款緩慢的3大關鍵原因解析
- MC Advisors 中小企融資專家
- 7 days ago
- 2 min read
好多中小企都試過同銀行借商業貸款，但用咗幾個月時間先至可以獲得貸款(或者被拒絕)，而且唔知究竟點解。
MC Advisors 今次就解答一下各位中小企老闆嘅疑問。最少有3個因素，會影響銀行批公司貸款的速度：
1️⃣「一般流程需時」
2️⃣「個案複雜程度」
3️⃣「銀行工作速度」
💡「一般流程需時」
公司貸款唔同私人貸款，涉及營業額(Revenue)、資產(Assets)、負債(Debt)、股東信貸記錄等，而且公司帳戶裡面所有交易記錄全部需要人手費時核對。
簡單嚟講，中小企申請過程涉及以下流程：
申請公司將所有需要文件集齊交予銀行
與銀行見面，讓銀行了解公司業務及背景
銀行經理審視、處理文件及撰寫報告
客戶補齊所有欠缺的文件
後勤部門審查公司資料、股東信貸、核對所需文件
批核部門批核
政府部門批核(政府擔保計劃必須)
開戶
確認放款
以上每一項嘅動作都可能需要幾日時間去處理，如果平均每項需要5日，就已經需要45日才能完成。如果當中涉及物業抵押，更必須律師樓協助，需時就會大幅增加。
💡 「個案複雜程度」
公司貸款需要仔細審查客戶公司營運情況，個案愈複雜，需要嘅時間就愈耐。
點為之複雜個案？
例如：貸款多、公司架構或業務複雜、交易記錄複雜、涉及法律訴訟等都會令個案變得複雜，銀行就需要更多時間去處理。
💡「銀行工作速度」
銀行嘅工作速度會因為銀行人手而受影響。
銀行雖然係大機構，但佢係一個高效率而且識得精打細算嘅商業機器，一個人就做到嘅野絕對唔會請兩個人去做，所以其實銀行人手並唔係大家想似中咁充足(現實係好多後勤人員經常都要OT)。
如果某段時期特別多人申請貸款，個案就會堆積，影響整體批核速度。
除咗個案數量以及人手，每個部門每位職員工作速度都有唔同，而且銀行職員每年最少接近20日大假，只要流程入面任何一位職員放大假，都可能令申請停滯。
隱藏的第四個因素：銀行審批意願
不過除咗以上3大因素，其實仲有啲可能係你從來都無諗過嘅原因。
就係「銀行唔想批」 🥲（聽落係有D荒謬，但的確係真)，可能係因為：
1)你唔係目標客戶群
2) 貸款額太細
3) 風險太高
4) 銀行今年貸款目標已經達標
5) 銀行經理已經跑夠數唔想再跑
6) 或其他你唔會想像到嘅原因 😭
只要銀行有原因唔想批你個申請，咁要搞幾耐，甚至有冇人會覆你，都真係話唔埋。
所以各位中小企老闆申請公司貸款除咗要有耐性，仲要預早準備，唔好臨急抱佛腳呀。
註：
🙇🏻♂️ 以上資訊謹屬個人意見，如有缺失，敬請多多包涵。
