今年中小企貸款被拒？銀行批核準則大變，拆解香港銀行最新批核關鍵

唔少中小企老闆最近都好困惑：

明明上年申請貸款冇問題，今年生意都係同上年差唔多，再申請時，銀行就話唔批！？

銀行「睇嘢方式」已改變

有冇諗過一個可能性：唔係你做錯咩，而係銀行「睇嘢嘅方式」唔同咗？

今年係銀行界風險評估轉變得最多嘅一年。

【評估新標準】隱藏細節成關鍵

以前申請貸款，銀行主要睇營業額同信貸評級。而家，銀行會深入睇埋多項「隱藏細節」：

• 資產狀況：即使申請政府擔保計劃，銀行仍會關注你是否擁有資產或自置物業，有則加分，無則可能影響批核。

  
  

• 客戶結構：銀行會審視你的客戶類型，是否為大公司或政府部門，以及未來合約數量。

  
  

• 現金流健康度：包括現金流是否穩定、有無季節性波動或突然斷層。

以前呢啲係「加分位」，而家甚至變成「基本要求」。

【未來趨勢】銀行更看重「抗震力」

明明政府冇規定，點解銀行又會查家宅咁款？

簡單講，銀行而家驚壞帳。疫情之後，好多中小企還唔到錢，政府擔保又慢慢收緊，銀行要重新計風險。

佢哋唔再信你財務報表上面寫嘅利潤，因為上面嘅數字係「過去式」，而唔係「現在式」。而佢哋更加想睇嘅係「未來式」，要睇你業務有冇「抗震力」。例如：

• 物流公司：營業額高，但客戶單一，一旦某個上游大客唔搵你做，你就冇生意。
  

• 工程公司：利潤靚，但現金流唔穩，銀行怕你返唔切數，還唔到錢。
  

• 零售商：因為市道唔好，冇資產抵押，銀行覺得風險高。

銀行而家係睇你「點樣賺錢、點樣還錢，而且本身有冇錢」。

如果你上年借到錢，今年卻被拒批，唔好灰心——可能你只係搵錯唔適合嘅銀行。

💬 有需要就搵我哋 MC Advisors傾下。

註：🙇🏻‍♂️以上資訊謹屬個人意見，如有缺失，敬請多多包涵。