商業貸款易拒批？香港銀行點揀客，你要知！

唔少老闆同銀行申請公司貸款，都遇過一個問題：借錢就係因為需要資金周轉，但銀行話公司戶口冇錢，所以唔批。呢個說法令好多中小企老闆都R晒頭，究竟銀行想點呢？

其實借唔借到公司貸款，關鍵係要知道銀行想要啲乜。

銀行的貸款邏輯

銀行邏輯好簡單，佢哋會睇睇你公司嘅現金儲備可以還到幾耐嘅貸款，去評定值唔值得借畀你。如果銀行覺得你短期內會有生存危機，佢哋寧願賺少啲，都唔想做蝕本生意。

銀行係商業機構，最終目的係盈利，要同股東交代。所以做貸款，銀行希望做到「穩賺無賠」：降低風險(如透過政府擔保，分擔風險)＋賺取利息(開出嘅利息通常係政府擔保嘅利息上限)。

意思係，銀行批貸款嘅核心問題係：「點解我要借錢畀你？」

雖然公司規模愈大，銀行愈有信心，但其實銀行通常著重公司 Revenue，多於 Net Profit。

銀行亦會留意公司生意係Uptrend 還是Downtrend？如果公司生意平平無奇，貸款難度就高好多喇。如果收入持續下跌，現金儲備愈嚟愈少，銀行就會覺得你還款能力低，好大機會拒批。

現時各個行業都面對緊唔少生存難題，尤其工程業、餐飲業貸款難度非常高，因為大量公司結業而被銀行睇低一線。

而部份行業例如娛樂場所、珠寶鐘錶、酒店業，銀行都會嚴格審查或者避之則吉。其次就係製衣、印刷等夕陽行業，銀行認為佢哋前景差，所以批核難度都高好多。

銀行只想借錢畀「有借有還」嘅客戶，即使係公司貸款，老闆個人還款記錄都係銀行重點審查項目。還款紀錄差，例如經常遲還款、或者碌爆卡，銀行會覺得你手頭緊，風險高，自然好易拒批。

還款記錄良好又會點？

銀行就會更願意批出大額貸款，甚至更低利息畀你。

點樣提高批核成功率？

註：🙇🏻‍♂️以上資訊謹屬個人意見，如有缺失，敬請多多包涵。