🧐唔少老闆都好奇，究竟政府九成擔保係咩意思？
💬 擔保緊邊個❓
💬 係咪有政府孭飛，我就唔洗還錢❓
💬 只需要還10%❓
💁🏻♂️就等MC Advisors同你解釋一下
九成擔保緊邊個？
其實政府九成擔保即係政府做你公司擔保人，擔保你90%的貸款額。
有政府孭飛，我就唔洗還錢？
申請公司貸款時必須同時由🌟公司大股東🌟作為擔保人，所以touch wood公司還唔起錢，銀行會先向呢位擔保人追討，🙅🏻♀️而不是政府。
因此，公司還唔到，再加上公司大股東都還唔到錢，銀行先可以向政府claim返剩餘未還嘅90%貸款額，💸最後剩返10%未收回嘅貸款，就由銀行硬食(壞帳)。
九成擔保背景
呢種貸款因為有政府作為助力，減低咗銀行90%風險，令銀行喺經濟環境向下嘅時候仍然願意借錢畀中小企。
其實2019年之前，好多銀行都可以直接做公司貸款而無須經政府批核，不過自疫情開始後，銀行就已經全面執行政府擔保計劃去降低風險，唔再願意借出無政府擔保嘅貸款。
當然，銀行亦都會因為仍然需要承擔10%風險，所以利息相對會提高；好在政府九成擔保計劃亦設有利息上限8%，去限制銀行唔可以收得太貴。
所以，呢90%擔保只係銀行將風險轉移到政府，💪🏻提升公司借貸成功機會，去頂住個經濟。
邊啲客戶比較適合申請政府九成擔保？
其實九成擔保嘅原意，係幫助營運正常嘅公司短期周轉，所以會比較著重公司還款能力、負債及營業額。
過去百分百擔保需要證明生意受疫情影響而下跌，亦要提供強積金及租金記錄 📑
而九成擔保就無須咁繁複，只需要睇公司生意額就可以。因此有好多生意額大嘅行業就十分適合做九成擔保，例如飲食、物流、貿易、工程、零售等，呢類行業營業額高，現金流亦通常較強(當然對現金需求都大)，都相對容易取得貸款。
至於生意太細、現金唔多、負債高嘅公司就會較難申請，始終銀行都怕公司規模細/負債重而頂唔住執粒，就寧願唔接嚟做。
如果你正考慮緊公司貸款而又唔太了解，
🤩不妨搵我哋問一問，無收費又可以獲得有用嘅意見，why not？
註：
以上內容由©MC Advisors原創，版權所有，切勿抄襲及轉載。
🙇🏻♂️ 相關資訊謹屬撰稿人意見，如有紕漏，敬請包涵。