一文深入了解九成擔保，了解銀行未必想你知的秘密
- MC Advisors 中小企融資專家
- 2023年10月14日
- 讀畢需時 3 分鐘
已更新：2月11日
目前無咗百分百擔保計劃，究竟中小型企業仲有冇其他方法可以融資？
🚩九成擔保貸款計劃 (下稱九成擔保) 係其中一種最容易入手嘅融資方案。
九成擔保2019年12月推出，由香港按證有限公司(HKMC)協助香港政府執行，主要幫助規模比較細嘅公司進行融資，推動生意發展。
即使你已經拎咗百分百擔保，都依然有機會可以申請到，唔少老闆都會選擇呢個方案用作周轉或擴展生意。
什麼是九成擔保貸款計劃？
過往要申請商業貸款往往都需要持有物業，將物業抵押到銀行先容易做到貸款；
即使無物業，亦都需要公司有一定規模，銀行先會有興趣借畀你，尤其中小企，生意細，貸款風險高，🙍🏻♂️銀行往往唔願意借。
九成擔保屬於無抵押嘅貸款，將整筆貸款嘅９０％風險轉嫁至政府，銀行借錢出去嘅風險細咗，因此比較願意以呢個計劃借錢畀中小企。
一般主流銀行都有提供九成擔保信貸申請，而條件亦相對簡單。
計劃詳情
貸款額上限： | $800萬 |
還款期： | 通常最長5年 |
利息： | 月平息約0.34% (唔同銀行會有些微差距) |
批核時間： | |
特點： | 無須抵押品, 批核快速, 以分期貸款形式發放(每月固定還款) |
申請條件
簡單嚟講，九成擔保就係根據公司營業額去決定貸款額，生意好，自然借得多。
營業額較大嘅行業，可以拎到嘅貸款額相對較大，一間中小企最高可以借到$800萬。
公司必須是香港本地成立的公司，而且有一年以上實際營運，就已經符合基本資格。
公司成立年期: | 最少1年以上(有實際營運), 香港公司 |
營業額: | 最少200萬(低於呢個數銀行比較大機會唔批) |
個人信貸評級: | G或以上 |
🤫但原來有隱藏申請條件？
頭先嘅條件只係基本資格，銀行都會因應唔同個案去判斷係咪真係接受申請，而唔係合符資格就一定批。
商業貸款銀行必須『🤑有錢賺』，如果公司規模太細，銀行覺得貸款風險大而又賺得少，就極大機會唔批。 舉個例，一間公司只係成立1-2年嘅話，即使符合基本資格，唔少銀行都會因為公司經驗尚淺，貸款風險高而唔接受申請，變相只可以搵合適嘅銀行先有機會做到。
銀行會協助政府把關，高風險或者敏感行業都有可能唔做。
銀行會視乎公司營運情況，根據銀行本身所設定嘅多種信貸標準去批核，例如睇申請人資產水平，信貸記錄，公司股權架構，生意模式、生意前境、公司還款能力等極多隱藏條件去審批。
以上只係概況，實際上每個個案都會有大量不同細節影響成功批核機會，如果中小企唔了解銀行要求，就有可能摸門釘，白白浪費幾個月申請時間。
搵顧問做就一定做到？
❌絕對唔係
即使顧問有Knowledge有人脈，都需要睇返公司本身質素，如果公司嘅問題太多，幾叻既agent都無辦法挽救。(造假文件另計，🙅🏻♀️ 唔好搵我哋 🙅🏻♀️)
好嘅顧問會了解你公司嘅問題，搵出最有可能被拒批嘅因素，然後幫你揀一間或者幾間最有機會成功申請嘅銀行。
當批核部對你公司有疑惑，好嘅顧問亦會用過往喺銀行取得嘅經驗以及credit sense去幫你同銀行解釋。
但還原基本步，好多嘢都需要客戶自己做好，例如起碼：
✔️帳目分明, 準時做齊審計報告(Audit report)
✔️保持良好個人還款記錄 ✔️唔好周圍問唔同機構借錢, 唔好還min pay
✔️及時申請， 而唔係等到公司乾塘先至搵銀行救你
即使係細公司，或者短期內可能蝕緊錢，做齊以上嘅野都可以幫你增加成功機會。
點先可以知我公司做唔做到？
如果向我哋查詢，假設個case完全做唔到，我哋可以即刻話你知。 如果有機會做到，可以幫你即時評估做到幾多。
相反，直接問銀行就需要交齊所有文件，再等銀行計好晒數，先會知道做唔做到或者做到幾多，可能需要幾個星期……🫠
你仲有其他有關商業貸款資訊想知道？即管搵我哋傾下！
註：
以上內容由©MC Advisors原創，版權所有，切勿抄襲及轉載。
