公司有負債想再貸款？中小企商業貸款策略及銀行批核秘訣

中小企首次貸款 VS 再次貸款難度差異

唔少中小企都用過中小企貸款作為擴充業務或者周轉用途。對於首次貸款嘅公司嚟講，貸款難度相度會比較低。

但如果公司已經借咗一筆貸款，未還晒，想再借嘅話，貸款難度就會大幅上升。原因係銀行借出新貸款之前，要先計算一下呢間公司有冇足夠還款能力應付舊帳再加新帳，如果銀行覺得公司未必頂到兩筆貸款，就未必會再借。

應對策略：如何提高再貸款成功率？

好多時銀行只願意借一次貸款俾中小企，再借嘅時候，銀行就唔太理你，或者只係借好少畀你/年期短咗/利息貴咗。

呢種情況應該點應對？

中小企老闆可以照同現有客戶經理傾一傾，但唔建議做正式申請，因為如果申請唔到，就有機會劃花TU，影響之後嘅申請。

如果出現以下情況，例如：

1️⃣ 客戶經理好耐都唔覆你

2️⃣ 被拒絕

3️⃣ Offer差

💡就可以考慮搵其他銀行幫手。

但要留意，其他銀行唔一定比起你現有銀行好，而只係「有機會」有好D嘅答覆，但亦有機會係得到同樣嘅答案。

因為現有銀行嘅審批結果係建基於你公司嘅營運狀況無之前咁好，其他銀行同樣會識得睇，關鍵只係在於其他銀行嘅審批手緊程度會唔會鬆過你用緊嘅銀行。

銀行批核準則差異與選擇策略

香港每間銀行批貸款嘅準則都相似，但細節位就唔一樣。舉個例，唔同銀行對於公司負債比例嘅標準都唔同。假如銀行A拒批嘅原因係覺得你公司負債太重，咁策略就係轉用無咁睇重負債比例嘅銀行B。

只不過銀行商業貸款透明度低，即使銀行經理都好難知道唔同銀行係點樣批核。

專業協助：如何精準選擇合適銀行？

🙋🏻‍♂️過去幾年，我哋 MC Advisors 處理過幾百個大大少少客戶申請，所謂「增加成功批核嘅機會」就係熟悉所有銀行批核方法同特點，對症下藥。

✅客戶想慳息，就揀低息銀行，

✅客戶想快，就揀做嘢快嘅銀行，

✅客戶想大額，就揀大額嘅銀行，

就係咁簡單。

所以如果日後中小企老闆用咗以上方法，都搞唔掂，即管搵我哋傾吓啦！