工程業爆煲｜銀行收緊貸款如何影響中小企？壞賬危機解析

建築工程業爆煲已經唔係新鮮事，不過爆煲嘅骨牌效應而家仲影響緊個市場。

工程業危機蔓延

我哋經常接觸工程業客戶，因為呢個行業極需要資金去運作，只要係未上市嘅公司想要融資就只可以搵銀行去借，無乜其他方法。

早幾年建築工程數目多，相關行業要同銀行融資十分輕鬆。但自從有大判爆煲之後，火燒連環船，二判、三判接連死亡，呢D判頭借落嘅中小企貸款就變成壞賬。

銀行收緊貸款的具體措施

我哋上年已經講緊開始有銀行因為工程業特別多壞賑而針對性收緊貸款審批條件，而今年就更加嚴重。

呢度舉幾個例子：

1️⃣提高審批門檻

近兩個月出現更多銀行針對性收緊對工程業嘅貸款，包括提高審批要求、降低貸款額、收窄還款期等等

2️⃣增加額外保障要求

銀行希望筆貸款得到額外嘅保障，所以可能要求借貸人提供抵押品、增加擔保人、更高嘅還款能力要求、提交更多未來工程合約、對個人信貸及資產要求更嚴格等等

3️⃣擴大「工程業」定義

以為只有建築工程受影響？錯喇，有銀行已經非明文規定將「工程」嘅定義擴闊至前中後期嘅產業，包括裝修水電嘅室內工程，室內設計(服務業)、建材買賣(貿易/零售業)，甚至最前期工作嘅專業工程顧問(顧問行業)，只要你嘅生意某程度上有關係，就會受影響 😥

唔少銀行控制壞賬嘅策略就係少做少錯，唔做唔錯。銀行都要揀優質客戶嚟做，如果唔係，要同佢哋去Bargain就難上加難。以上仲未計有銀行即將會整合/暫停中小企貸款部門運作，令今年中小企要搵銀行貸款難度大幅上升。

面對銀行收遮，中小企唔夠資金頂數，生意就難做落去；中小企生意難做，還錢有困難，銀行壞賬又會多咗，又會再收緊貸款，變成惡性循環。

今年中小企貸款市場實在太多變數，令我哋近幾個月接case都比以往更加小心，🫡除咗每個case都要更加認真研究點做，亦都唔敢Promise客人太多。

註：

🙇🏻‍♂️ 以上資訊謹屬個人意見，如有缺失，敬請多多包涵。