MC Advisors每日都會回覆好多查詢，所以對中小企市場有一定了解。
我們知道有不少老闆都因為突發情況而需要金錢應急，例如有大客遲遲不找數、要頂數、生意急跌唔夠現金周轉，所以急需應付數期，希望一個月內就批到錢救命，但往往就係呢個期望令中小企更容易陷入困境。
MC Advisors 總結兩大切勿做Deadline fighter的原因。
原因1：還款能力問題
邏輯好簡單，如果你係貸款人，你會唔會想借錢畀一個戶口清零嘅人？
無錯，當公司數期好緊，戶口結餘減少，就代表你公司可能無足夠現金支付新一筆貸款利息及本金，銀行就會因而拒批，又或者大幅減少借貸額度。
所以作為公司老闆，一定要仔細計劃清楚公司盤數，如果預計短期內生意可能變差，現金流可能不足，就要趁公司戶口結餘仍然充足嘅時候做申請，而唔係聽天由命...
「希望」下個月生意變好？
「希望」唔洗借錢都維持到生意？
結果等到戶口D錢無晒，拖住D數唔找，揸住個冇錢嘅戶口搵銀行救命，銀行又點會做你生意呢？
原因2：批核時間問題
MC Advisors當然會盡全力幫客戶加速整個過程，搵過我哋幫手嘅客都應該會知道，我哋睇完公司文件，只要係合資格，第二日已經會立即約時間見面簽申請表，一切都係以客戶利益行先。但無論我哋行得幾快，始終需要等銀行跟進。
公司貸款過程一共分幾個部份：
簽申請表 - 1天
銀行批核部審核 - 2-4星期，受假期、個案數量、複雜程度等影響
政府審批 - 約1星期
銀行開戶、落數等程序 - 約1星期
以上可見，2星期做到批出貸款係可行，但後續仍有政府審批、開戶等程序，實際最快需要4-6星期先收到錢，或者有個別銀行做野速度唔同而需要用多2-3星期，亦曾發生個別個案因為情況複雜而需時2 - 3個月。
所以當公司老闆太遲行動，預算時間唔足夠，就算我哋點催銀行都好，始終都唔係變魔術，變唔到舊錢出嚟。雖然公司貸款速度就比唔上私人貸款，但貸款額就可以十分龐大，足夠幫助好多中小企生意愈做愈大。
所以亦趁機提醒各位中小企老闆，如果有計劃申請政府貸款，記得提早準備，如需要幫忙，即管搵我哋問下。
