現時經濟逐漸復甦，MC Advisors想分享一個在疫情下最深刻嘅個案，一個受疫情影響非常深嘅客戶。
個案分享
呢三年做生意難捱，作為老闆嘅你都一定知，但呢位客戶每年嘅生意額就由疫情前超過一億，跌到得返幾百萬。由減人手，到減少地鋪數目，可以節省開支既辦法都做齊，無奈只能用老本死頂；2020捱左一年，到2021搞唔掂，再抵押層樓嚟借千幾萬營運，到2022已經唔夠資金捱落去。
但老闆堅信，只要捱到復常，就會有轉機。
我哋用過往做銀行嘅經驗去睇，呢個個案難度極高，因為當生意額只剩幾百萬，而又有千幾萬嘅貸款喺身，貸款比率超過400%，加上生意直插無水花，企係銀行角度，銀行絕對唔想做高風險嘅貸款。
我哋知道客戶嘅呢個行業尤其深受疫情影響，所以我哋多番向銀行解釋只要等防疫政策放寬，生意就可以重拾正軌，會有爆發性增長。
經過超過一個月來回洽商，銀行方面亦都理解行業性質特殊，亦因為現有貸款屬於有抵押貸款，風險相對為低，所以願意額外批出一筆無抵押嘅九成擔保貸款，令客戶可以渡過難關。
MC Advisors見證過好多中小企客戶嘅起跌，亦都衷心希望呢位客戶可以渡過今次難關。
如果你亦正面對生意上的難關，不妨揾MC Advisors傾傾！
