商業貸款可以話係透明度十分低嘅貸款類別，一般中小企客戶難以到處格價，未必知道點樣去衡量商業貸款嘅利息係平定係貴。即使政府擔保計劃有明確嘅利息上限，每間銀行嘅利息亦會在利息上限之內略有不同。
以政府九成擔保計劃為例
銀行可以收取嘅貸款實際年利率上限為8%。就整個公司貸款市場而言，每間銀行嘅利息差距其實未算太大。
睇返2023年，普遍銀行收取嘅九成擔保貸款利息介乎於月平息0.25%-0.34%。
即是如果以100萬分5年期，每月利息大約$2,500-$3,400，每年利息大約$30,000-$41,000，呢個利息如果化返做實際年利率嚟計，就等同於APR大約 6%-8%。
平息 vs 實際年利率
平息(Flat rate)同實際年利率(APR)屬於不同計法，銀行好多時都會用平息去向客戶解釋利息到底係幾多，因為較容易理解；反而實際年利率概念對一般客戶嚟講比較容易混淆。
以100萬貸款為例，假設實際年利率為8%，分5年還，不是等於你連續5年每年都需要支付$80,000利息，而是「頭重尾輕」，先還息，後還本，較後嘅還款期利息佔比會少好多；如果將實際年利率8% 利息平均化去計算，呢5年每年需支付的平均利息其實是大約$41,000，亦即月平息0.347%，年平息4.1%。
「即係算貴定平？」
平同貴每個人定義都不同，當你無資金需求時，幾平都係貴，有資金需求時，幾貴都係平。
公道D講，正值加息週期(今年美儲聯會減息幾多都言之尚早)，當Hibro 升到5%，銀行向同業拆借都需要支付呢種高昂嘅利息時，中小企向銀行借貸就必然需要支付高於Hibro嘅利息(除咗百分百擔保，因為屬政府借貸)，扣除信貸風險後銀行向中小企收取6-8%年利率其實make sense。
但當然，合理唔代表平，價格只是市場供求問題。
💁🏻♂️MC Advisors認為當前嘅利息環境的確不理想，亦好難預計幾時會回到往日零息環境，定係未來幾年都會傾向「利率正常化」。所以「抵借定唔抵借」，一直都係借貸成本同貸款回報之間嘅角力。如果借貸後無辦法將貸款轉化做盈利，即使利息再平都係貴。如果借貸後有辦法將貸款轉化為盈利，以1000萬貸款為例，即使每年要支付大約40萬利息(APR 8%)，但可以令你每年賺多200萬，咁即使利息唔平，只要條數計得啱，都係除笨有精😎。
