
呢兩日施政報告及金管局都公佈咗一系列中小企支援措施。
🤔每逢有措施推出,唔少客戶都會問:「中小企到底會唔會受惠?」
今次就簡單做個短評。
🔹 先講2024施政報告主要兩項措施:
再度提供12個月還息不還本方案 💡
呢項措施絕對係今次中小企支援方案入面最有即時效果嘅措施。
還息不還本自上年9月完結後,好多中小企要面對現實,償還公司貸款本金。
但今年經濟依然唔好,甚至可以話差過2023年一截,所以好多老闆都面對龐大嘅還款壓力。
假如再有還息不還本方案,可以令中小企暫時鬆一口氣,俾大家一年時間去睇下點樣做落去。
不過要留意嘅係,⚠️還息不還本有兩種執行方案:
第一種叫做『預先批核』,✅代表企業唔需要交任何文件,就可以立即享受到還息不還本。
如果今次推出嘅唔係預先核批,即係企業要另行向銀行申請,需交文件等批核,未必所有公司都會獲接納。細節有待銀行界公佈。
政府八成及九成擔保計劃還款期延長至最多八年及十年
我哋認為呢項措施亦係重點。✨
以九成擔保為例,現時還款期最長五年,假如公司向銀行借100萬商業貸款,實際年利率8%,每月還款額約2萬出頭。如果延長至八年,還款額將會係1萬4千幾,相差非常遠,可以大減中小企嘅還款壓力,💆♂️令更多公司可以較放心融資做生意。📊
🔹 再講講金管局嘅新措施:
逆周期緩衝資本比率由1%下調至0.5%,釋放銀行資本
預留逾3,700億元專項資金支持中小企
簡單講,係俾銀行釋放多啲資金借錢俾中小企,準備定多啲錢借出去。但實際上,銀行貸款的關鍵係公司有冇實力。💪假如公司經濟差、生意少,銀行無論幾有錢都唔會亂咁借出去。🙅♂️
相反,如果經濟環境好,公司賺大錢,好肯定銀行會不斷Call客瘋狂借錢出去,利息可以平上加平,條款有幾靚得幾靚。 所以呢項措施未必等於中小企借錢比之前容易。
增加更多「部分還本」安排選項
現時『部份還本』方案需銀行審批,📝可選10%、20%或50%償還本金。新措施有機會加多選項及延長還款期⏳,相信都會幫到部份中小企。🤝
推出更多協助中小企轉型的信貸產品及服務
盡早落實「中小企融資擔保計劃」的優化措施
呢兩項就稍顯雞肋,前者叫銀行推多D唔同貸款產品出嚟, 但其實銀行要設計一種貸款產品起碼要一年半載,加上坊間一直有銀行不斷推陳出新,設計唔同方案去滿足中小企, 例如卡機、八達通數據貸款之類, 不過成效始終有限。
反而如果有銀行能夠設計出新貸款方案,而比現時主流銀行嘅貸款更低門檻,咁就有作用喇。👍
第7點就……無咩可以討論,SKIP!
🔹 總結:
1️⃣ 👍施政報告兩項措施有助中小企
2️⃣ 🤨金管局措施需視銀行點樣執行
3️⃣ 👍放寬物業按揭成數到七成,幫到中小企老闆釋放物業價值🏠💵
註:
🙇🏻♂️ 以上資訊謹屬個人意見,如有缺失,敬請多多包涵。