
一直以來,香港中小企經濟貢獻總值佔整體香港GDP超過四成,亦聘用超過50%勞動人口。
每個香港人都知道2023年經濟並唔理想,如果由中小企業貸款市場去觀察整個香港市場,答案有無唔同?究竟香港嘅經濟係咪真係咁唔好?
MC Advisors 喺2023年接觸超過一千間中小企,不妨都同大家分享下我哋嘅觀察 🥸 (🪖頭盔:因受客戶羣性質限制,並不完全代表整體中小企實際營運情況)
2023年 MC Advisors 中小企貸款市場觀察
比起2022年,唔少公司生意的確有下跌趨勢,尤其2023年年中開始,好多老闆都話生意跌咗 (可能與本地消費需求下跌有關?)
唔少公司喺疫情期間生意正常甚至上升,亦未曾借貸,但喺呢個後疫情時代就出現需求
唔少公司過去已經拎過百分百擔保貸款,但呢一兩年亦開始尋求其他商業貸款方案
生意正在下跌嘅公司比起生意上升嘅公司多 (都真係有公司生意係growth緊或keep到,只係唔算多)
餐飲、零售、批發、出入口貿易行業生意受較大影響,工程業就較穩定
邊際利潤較高或技術門檻較高嘅公司較少有貸款需求,例如IT業、專業服務等
整體中小企貸款申請獲得批核嘅難度比以前高
2023年 銀行中小企貸款上的轉變
🏦 至於銀行界方面,亦見到批貸款愈趨謹慎。物業抵押貸款冇以前咁吃香,有銀行反而鍾意批政府擔保貸款。(物業價值可以下跌,但政府擔保成數不變)
同時銀行對老闆個人信貸評級嘅要求亦都比以前嚴謹咗🫣。所以,我哋都認同2023年生意比以往難做得多,雖然過去都唔係無試過經濟差,不過暫時又未見到有太多利好整體經濟嘅因素。
點都好,捱得過呢幾年嘅公司點都唔會完全無實力,💪🏻 我哋都同大家一樣希望低潮盡快結束。