
每週講故佬時間又到。
要數MC Advisors同其他顧問公司最大分別,應該就係我哋嘅超強應變能力。以往喺銀行跑Loan,有咩奇難雜症未見過?為咗份工,幾難做嘅Case,都係死馬當活馬醫。
今日想講嘅Case係一位做oversea trading嘅客戶。
個案分享
客戶公司呢兩年生意雖然差咗 (做貿易真係愈來愈難),但都叫做收支平衡。今時今日做trading,同工廠訂貨,唔畀足錢,人哋都唔會幫你開工;賣貨出去,遇著對方拖數,都幾頭痕。
客戶正正係因為遇著舊客拖數,大失預算,要同銀行借錢周轉。
但老闆兼大股東長期在美國,如果簽申請表、開戶等程序下下都要返香港,對客戶而言,時間上十分難配合,申請貸款所需時間亦會拉長;而人在海外,申請則不屬有效。
MC Advisors根據多年喺銀行嘅工作經驗,知道有一條偏方可以令客戶身在海外都可以借到錢:
我哋搵咗當地一間律師行作為見證人
用三方視像會議形式簽名,律師、客戶、銀行三方共同見證作實
整個貸款過程合規合法,最後成功令客戶獲得銀行批出貸款
其實銀行產品資訊及申請條件,一般顧問都會識,但每個客戶嘅個案都係十分獨特,作為顧問如果只係識得貸款產品資料及申請條件,而唔係針對每個客戶所面對嘅困難同挑戰去解決問題,就唔會係一位稱職嘅顧問。
融資顧問嘅價值就好似醫生咁,要對症下藥,先至有價值
唔可以一律都係開抗生素畀你就當做咗嘢!
你都有融資難題想揾人傾傾?即揾MC Advisors幫手