MC Advisors日日都收到唔同的中小企貸款查詢，部份客戶想了解下自己公司做唔做到貸款，亦有好多客戶係因為被銀行拒絕而搵我哋幫手，當然，有機會做到生意我哋係十分開心，我哋亦都好樂意回答大家嘅問題，同客戶解釋銀行想要D乜。
🙎🏻♂️不過間唔中都會有D「有趣」嘅人士，打嚟問點樣開公司或買一間公司返嚟，點樣砌假數去借錢。
🤯每次我都心諗：「嘩大佬，虛假文書加詐騙喎，咁都問得出口嘅？」
🙅🏻♀️每次我都會答：「如果你想打假數借錢就唔好搵我哋喇，幫唔到你。」
唔止呢D騙徒會咁樣問，亦有D係做緊正當生意但頭腦諗歪嘅人一樣會咁問。
都唔難理解點解會出現呢D情況。原因就係因為我哋呢一行好特殊，我哋掌握咗唔少銀行嘅資訊同審批經驗，正正係呢個原因，坊間亦有D曾經喺銀行做過或者熟悉銀行界嘅agent專門幫客戶「炮製」一套借錢走佬大法。所以唔熟行情嘅老闆們就有機會被呢D不良中介「教育」過，以為咁樣先係融資顧問嘅角色，以為所謂「打數」、「砌文件」係常態。
🙅🏻♀️不過我哋就絕對唔認同，MC Advisors有一套好清晰嘅定位，我哋打開門做生意，開公司租office請員工做野，植根香港，每個case 收取一個合理而雙方合意嘅價錢，幫客人同相熟銀行用最短時間傾個貸款返嚟，而唔係嗰種做幾單假case呃一千幾百萬返嚟拍拍蘿柚就走佬嘅agent。
🙋🏻♂️💡我哋嘅角色係因應客戶公司嘅情況，去搵幾間最大機會願意貸款嘅銀行去幫客戶解決財政問題。
👉🏻👈🏻當然我哋深知好多客戶嘅情況好難做到貸款，而我哋再有能力都無辦法改變銀行嘅批核政策，實在愛莫能助。
但如果為咗賺佣金，去幫唔合資格嘅客戶透過虛假文書去欺詐銀行，呢D野我哋真係無本事做。
(要做犯法野先賺到錢不如做返銀行啦，一年逗返一百幾十萬人工真係唔難)
其實呢個post最想講嘅係，希望嗰D頭腦諗歪嘅個別人士唔好再搵我哋，坊間仲有好多不良中介可以幫到手，搵我哋只係晒時間畀我哋reject，無謂咁無癮啦。
註：
🙇🏻♂️ 以上資訊謹屬個人意見，如有缺失，敬請多多包涵。
