近幾日再有百分百擔保貸款詐騙嘅拘捕個案！
📰節錄：『警方日前根據情報，發現兩個詐騙集團涉嫌以個人及中小企名義，騙取政府「百分百擔保特惠貸款」。有見及此，東九龍總區刑事部於過去三日（17至19日）進行「虎道」行動，以涉嫌「串謀詐騙」拘捕23人，年齡介乎25至63歲，包括集團主腦及骨幹成員，並成功堵截2,690萬港元騙款；相信涉及24宗貸款申請，涉款約3,170萬元，據悉最大宗申請金額為820萬港元。』
📲原文網址：兩犯罪集團涉騙$3170萬政府個人及中小企貸款 警拘23人包括主腦
過去兩年，銀行中小企貸款愈來愈難批出，除咗係因為加息、經濟差咗同埋壞帳上升之外，詐騙個案都係其中令銀行愈嚟愈小心嘅原因。
百份百擔保剛推出嘅時候，因為申請簡單，導致大量詐騙、借錢走佬個案，令壞帳率不斷上高。所以去到2022年，百分百申請門檻有所提高，銀行要睇嘅文件多咗，例如加強審查員工MPF、租約、審計報告等。
即使現時無咗百分百擔保貸款，銀行批核其他貸款嘅時候依然要睇好多公司營運證明，去驗證一間公司係咪有實際營運，從而杜絕虛假個案。
藉此機會都提醒各位中小企老闆，就如文中所講，當有人聲稱可以幫你申請銀行商業貸款，但係乜野條件都唔需要符合，而且保證可以成功申請到嘅話，就記得要小心，唔好誤墮法網。
實際上，銀行商業貸款係有一定嘅門檻，絕對唔係人人都可以輕易申請得到，即使我哋再有經驗、揀最適合嘅銀行去做申請都好，都唔係「包生仔」，只能因應公司情況去作出最佳選擇同部署，增加成功機會。
（想要100%保證「包生仔」嘅服務唔好搵我哋，去搵做虛假文書嗰D。不過虛假文書都有機會俾銀行睇穿，所以都唔係100%「包生仔」😀)
依家無咗百分百擔保貸款，變相騙徒都少左一個途徑去詐騙銀行，👍🏻絕對係好事。不過相信經過百分百擔保一疫，銀行界批核商業貸款會繼續嚴謹，做好預防措施總好過事後先追究嘛。
註：
🙇🏻♂️ 以上資訊謹屬個人意見，如有缺失，敬請多多包涵。
