百分百擔保計劃的影響及其結束後的挑戰
唔少同我哋查詢嘅客戶都有借過百分百擔保，而百分百好多時係佢哋首次接觸嘅公司貸款。當年推出百分百擔保計劃嘅時候嚇窒好多銀行，因為呢個貸款完全係救經濟嘅措施，而完全唔考慮間公司還唔還得起錢。(🤫所以咁多壞帳)
自從百分百擔保計劃完咗，企業要同銀行成功借錢，就真係要『憑實力借』喇🫡。唔少中小企老闆背負幾百萬百分百貸款債務，想再融資就要面對一個困難 💁🏻♀️ 「借貸比例」。
借貸比例在公司貸款中的關鍵作用
💡「借貸比例」係商業貸款中一個非常重要嘅指標，喺中小企貸款界別嚟講，當一間公司嘅營業額與現有負債嘅比例過高時，銀行會認為借貸人可能無法再負擔新債務，就唔會再批出貸款。
舉個例，A餐廳每年營業額1000萬，當佢嘅現有債務(例如百分百擔保)超過三成，就開始有銀行唔會再批出公司貸款。當然，唔係間間銀行都咁嚴謹，...
不同公司貸款的結果與借貸比例的關聯
曾經有客戶問我哋，😤佢公司同銀行申請商業貸款但被拒絕，而佢朋友就順利借到錢，點解會咁？
其實唔同個案好難一概而論，但撇除信貸記錄等各種其他因素，所謂「借貸比例」嘅重點係『比例』兩個字。
假如B餐廳，一年約200萬生意，只要佢借左超過200萬百分百擔保，借貸比例就高達1:1 ，可以再貸款嘅機會甚微。
至於A餐廳，一年約1000萬生意，就算佢借咗400萬，比A餐廳再多多200萬，貸款比例只係去到1:0.4，佢公司依然比較容易再做貸款。即使前者係有盈利，後者係虧損，答案都係一樣。
如何在高借貸比例下尋找公司貸款解決方案
🧐❓咁如果我借咗百分百擔保，係咪好難再借新貸款？
答案係：「可以再借，但難度會高咗。借貸比例愈重，銀行嘅選擇就愈少，可以成功貸款嘅機會就愈細。」
🧐❓如果借貸比例真係好高，例如以前拎咗好多百分百擔保，現時生意又比以前細，借貸比例十分重，又有冇可能做到？
融資顧問MC Advisors認為：「呢種情況其實好常見，坊間仍然有少量銀行對借貸比例較為寬鬆，所以唔係完全冇機會嘅，但的確機會較細。」
如果你喺公司貸款上面需要尋求意見，不妨搵我哋問一問傾一傾丫🙋🏻♂️
註：
🙇🏻♂️ 以上資訊謹屬個人意見，如有缺失，敬請多多包涵。
